Kev Xaiv lossis Pauv ib tus Kws Khomob

Qhia: Qee qhov txuas hauv nplooj ntawv no koj yuav tau muaj Adobe Reader thiaj qhib tau los nyeem.

Kuv yuav xaiv ib tus PCP licas?

• Xyuas kom thoob nplooj ntawv Teev Cov Thawj Kws Khomob hauv Phau Ntawv Teev Kws Khomob thiab xaiv ib tus kws khomob. Xyuas kom paub tias tus kws khomob ntawd tseem txais cov neeg mob tshiab.

• Yog tus kws khomob ntawd txais cov neeg mob uas niajhnub tuaj lawm xwb, koj yuavtsum yog lawv ib tus neeg mob lub xyoos dhau los no. Peb yuav tau nrog tus kws khomob lossis lub tsev khomob ntawd tham saib nws puas kam txais koj ntxiv mus vim koj cov kev khomob tshiab no.

• Yog tias koj muaj ib tus kws khomob thiab koj tus kws khomob yog ib tus Thawj Kws Khomob, xyuas saib puas muaj nws teev rau hauv peb phau ntawv teev kws khomob.

• Ua Daim Ntawv Xaiv Kws Khomob hauv online lossis hu rau peb lub Chaw Pabcuam Tswvcuab.

• Yog xav tau cov kevcai tswj kev xaiv ib tus PCP rau koj txoj kev npaj khomob thiab ib daim ntawv teev kws khomob tshiab, mus xyuas Kuv Txoj Kev Npaj Khomob

Kuv puas pauv tau kuv tus PCP?

• Tau, koj pauv tau koj cov kws khomob. Hu rau peb ntawm 1-800-700-3874 ext. 5513. Koj yuav tau nyob hauv koj tus PCP tamsim no kom tas lub hlis no. Koj yuav mus ntsib tau koj tus PCP tshiab thawj hnub ntawm lub hlis tomntej no.

• Xwsli: Yog koj hu rau peb tuaj pauv koj tus PCP thaum lub Kaum hlis 6, koj yuav mus ntsib tau koj tus PCP tshiab thaum lub Kaum-ib hlis 1.